Zəngilan Rayon İcra Hakimiyyətinin başçısı Ramiz Həsənovun zəngilanlı məcburi köçkünlərlə növbəti səyyar görüşü
Zəngilan Rayon İcra Hakimiyyətinin başçısı Ramiz Həsənovun növbəti səyyar qəbulu sentyabr ayının 3-də Sabunçu rayonu, BMZ-nin 2 saylı yataqxanasında məskunlaşan məcburi köçkünlərlə keçirildi.
İlk öncə Zəngilan RİH-nin başçısı çıxış edərək, Ölkə Prezidenti cənab İlham Əliyevin düzgün siyasəti nəticəsində iqtisadiyyatımızın günü-gündən inkişaf etdiyini, xarici siyasətdə böyük nailiyyətlər əldə edildiyini vurğuladı. Daha sonra sakinlərin problemlərinin yerində öyrənilməsi və həll edilməsi məqsədilə müraciətlər dinlənildi. Qaldırılan məsələlərin bir qismi yerindəcə öz həllini tapdı və digər məsələlərlə əlaqədar aidiyyəti üzrə tapşırıqlar verildi.
Sonda sakinlər məcburi köçkünlərə göstərilən davamlı diqqət və qayğıya görə ölkə Prezidentinə minnətdarlıqlarını bildirdi.
