Zəngilan rayonunun daha 2 kəndi Azərbaycan Silahlı Qüvvələri tərəfindən işğaldan azad edildi

Ali Baş Komandan cənab İlham Əliyevin rəhbərliyi ilə rəşadətli ordumuz tərəfindən 20 oktyabr 2020-ci il tarixdə Zəngilan şəhəri və rayonun Havalı, Zərnəli, Məmmədbəyli, Həkarı, Şərifan, Muğanlı kəndləri işğaldan azad edilmişdir.

21 oktyabr 2020-ci ildə  Azərbaycan Ordusu Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad etmişdir.

22 oktyabr 2020-ci il tarixdə Zəngilan rayonunun Kolluqışlaq, Malatkeşin, Kənd Zəngilan, Genlik, Vəliqulubəyli,Qaradərə,Çöpədərə, Tatar, Tiri, Əmirxanlı, Qarqulu, Bartaz, Dəlləkli, Ağbənd qəsəbəsi işğaldan azad edilmişdir.

23 oktyabr 2020 ci il tarixdə Vənədli və Mirzəhəsənli, 25 oktyabr 2020-ci il tarixdə Birinci Alıbəyli, İkinci Alıbəyli, Rəbənd, Yenikənd, 28 oktyabr 2020-ci il tarixdə Birinci Ağalı, İkinci Ağalı, Üçüncü Ağalı kəndləri işğaldan azad edilmişdir.

30 oktyabr 2020-ci il tarixdə Aladin, Vejnəli kəndləri, 02 noyabr 2020-ci il tarixdə Zəngilan rayonunun Dərə Gilətağ, Böyük Gilətağ kəndləri işğaldan azad olunmuşdur

04 noyabr 2020-ci ildə  Azərbaycan Ordusu Zəngilan rayonunun Məşədiismayıllı və Şəfibəyli kəndlərini işğaldan azad etmişdir.

Zəngilan bizimdir! Qarabağ Azərbaycandır!