27 Sentyabr “Anım günü” qeyd olunması ilə əlaqədar Vətən müharibəsi şəhidlərinin məzarlıqları ziyarət olundu.

27 sentyabr 2024-cü il tarixində Zəngilan Rayon İcra Hakimiyyətinin təşkilatçılığı ilə birinci və ikinci Qarabağ müharibəsində qəhrəmancasına döyüşərək ölkəmizin müstəqilliyi, ərazi bütövlüyü və suverenliyi uğrunda canlarını fəda edən şəhidlərimizin əziz xatirəsi yad edildi. İlk olaraq Sumqayıt şəhər Şəhidlər Xiyabanında, daha sonra Suraxanı rayonunun “Dədə Qorqud” qəbiristanlığında, II Fəxri Xiyabanda, Sabunçu rayonunun Ramana qəbiristanlığında, Şirvan Şəhidlər Xiyabanında dəfn olunan şəhidlərimizin məzarları Zəngilan Rayon İcra Hakimiyyətinin başçısı, Hüquq-Mühafizə orqanları, aparatın məsul əməkdaşları, idarə, müəssisə rəhbərləri, inzibati ərazi dairəsi üzrə nümayəndələri və rayon ziyalılarının iştirakı ilə ziyarət edildi. Məzarları üzərinə gül dəstələri düzüldü və dualar oxundu. Bakı vaxtı ilə saat 12:00-da  Zəngilan Rayon İcra Hakimiyyəti Başçısı Aparatının əməkdaşları, o cümlədən rayon sakinləri ilə birlikdə Azərbaycan Respublikasının ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilmişdir. Həmçinin şəhidlərimizin əziz xatirəsinə ehtiram əlaməti olaraq Zəngilan rayon 3 və 20 nömrəli tam orta məktəbin ərazisində ağacəkmə aksiyası keçirildi.