“Novruz milli-mənəvi dəyərimiz” mövzusunda yaradıcılıq festival-müsabiqəsi keçirildi
10 mart 2016-cı il tarixdə Abşeron rayonu, Masazır qəsəbəsi ərazisində məcburi köçkünlər üçün salınmış yaşayış massivində fəaliyyət göstərən Zəngilan rayon Mədəniyyət və Turizm Şöbəsinin klubunda rayon Gənclər və İdman idarəsinin təşkilatçılığı ilə yeniyetmə və gənclər arasında “Novruz milli-mənəvi dəyərimiz” mövzusunda yaradıcılıq festival-müsabiqəsi keçirildi. Tədbirdə rayonun 25 məktəbindən 120 şagird iştirak etdi.
Festival-müsabiqə yaradıcılığın rəsm sənəti və dekorativ tətbiqi sənət, musiqi (ifaçılıq) və şeir sənəti növləri üzrə təşkil edilmişdi. Rəsm nominasiyasında Abbaszadə Vida, musiqi nominasiyasında Yolçuyeva Aysu, şeir ifaçılığı nominasiyasında Fridunova Sürəyya birinci yerə layiq görüldü.
Qaliblər rayon Gənclər və İdman idarəsi tərəfindən fəxri fərmanlarla mükafatlandırıldılar.
