Zəngilan rayon üzrə “Ümumrespublika yaşıllaşdırma“ marafonu layihəsi çərçivəsində ağacəkmə aksiyası keçirilir
Payız ağac əkini üçün ən əlverişli mövsüm hesab olunur. Bunu lazımınca dəyərləndirən “İDEA” ictimai birliyinin təşəbbüsünə Zəngilan Rayon İcra Hakimiyyəti və bütün zəngilanlılar qoşulmuşlar.
Xatırladaq ki, “Ümumrespublika Yaşıllaşdırma marafonu” 5 noyabr 2014-cü il tarixində Heydər Əliyev fondunun vitse-Prezidenti, “İDEA” ictimai birliyinin təsisçisi və rəhbəri Leyla xanım Əliyevanın təşəbbüsü ilə başladılmışdır.
Marafonon əsas məqsədi yaşıllıq sahəsinin azalmasının yarada biləcəyi təhlükənin qarşısını almaq və ağac əkməsini təşviq edərək , ətraf mühitin mühafizəsinə töhvə verməkdən ibarətdir.
Zəngilan rayonu üzrə ağacəkmə aksiyası çərçivəsində Abşeron rayonunun Masazır qəsəbəsində yerləşən məcburi köçkünlər şəhərciyindəki “Şəfəq” uşaq bağçası-körpələr evinin, mədəniyyət və turizm şöbəsinin, tibb məntəqəsinin ətrafında, həmçinin rayonun 5, 11, 14, 33 nömrəli məktəblərinin həyətlərində 800-ə yaxın ağac əkilmişdir.
Ağacəkmə marafonu davam etdirilir.
